Por Europa Press / Redacción | SANTIAGO DE COMPOSTELA | 16/09/2023 | Actualizada ás 11:20
A senadora do Partido Popular de Galicia pola provincia de Pontevedra, Pepa Pardo, solicitou na Cámara Alta "o cesamento inmediato" da ministra de Igualdade en funcións, Irene Montero, ante a rebaixa de pena a un dos membros da 'Manada' coa aplicaciópn da Lei do só si é si.
Pardo, a través da pregunta por escrito que rexistrou no Senado, indicou que desde a entrada en vigor desta lei, máis de 1.150 agresores sexuais viron rebaixada a súa condena e 117 foron excarcerados. Apuntou, ademais, que xa se deron casos de reincidencia, como o rexistrado o 25 de agosto en Dos Hermanas.
En referencia a estas cifras, a senadora popular solicitou coñecer "inmediatamente" cuantos agresores sexuais máis verán rebaixadas as súas penas ou serán excarcerados "para que a ministra en funcións Irene Montero dimita ou sexa cesada". "A que está a esperar este goberno en funcións para pedir perdón ás vítimas da Lei do só si é si, un dos maiores perigos para as mulleres. A principal impulsora desta lei ten que ser cesada ou ten que dimitir de maneira inmediata", defendeu Pepa Pardo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.