Foxe unha furgoneta despois de atropelar unha muller de 80 anos en Portonovo
A vítima sufriu un golpe nunha perna e tivo que ser evacuada ao hospital. A Policía Local abriu unha investigación para tratar de identificar e dar co paradoiro do condutor.
Por E.P. | SANTIAGO DE COMPOSTELA | 03/10/2023 | Actualizada ás 14:49
Unha muller de 80 anos resultou ferida ao ser atropelada en Portonovo --Sanxenxo-- por unha furgoneta que emprendeu a huída tras o incidente.
O accidente produciuse ao redor das 12,00 horas da mañá deste martes, na que os servizos de emerxencia informaron doutros catro atropelos con feridos en Galicia, ademais das dúas vítimas mortais ao ser arroiadas por vehículos en Santiago e Outes.
En Portonovo, unha veciña de 80 anos da rúa Benitiño foi atropelada por unha furgoneta que realizaba unha manobra de marcha atrás e que, tras impactar contra a muller, abandonou o lugar, segundo trasladou o goberno local de Sanxenxo.
A vítima sufriu un golpe nunha perna e tivo que ser evacuada ao hospital. A Policía Local abriu unha investigación para tratar de identificar e dar co paradoiro do condutor.
Tamén na mañá deste martes, ao redor das 10,40 horas, en Xinzo de Limia un peón de idade avanzada foi atropelado na avenida de Ourense da estrada N-525. Na capital provincial produciuse outro incidente similar minutos antes das 10,00 horas na rúa Río Arnoia, onde outro señor foi alcanzado por un vehículo.
Finalmente, un coche levou por diante a unha muller na contorna do Complexo Hospitalario Universitario da Coruña (CHUAC) ás 10,30 horas deste martes.
