A Xunta estuda a posible incorporación á sanidade pública do exoesqueleto pediátrico
- O primeiro exoesqueleto pediátrico xa é unha realidade: presentouse na Coruña en nenos de 7 e 9 anos
Por E.P. | A CORUÑA | 05/10/2023 | Actualizada ás 17:35
O conselleiro de Sanidade, Xullo García Comesaña, manifestou que a Xunta estuda a posible incorporación á sanidade pública do exoesqueleto pediátrico.
"Estamos a traballar coa empresa que o presentou, non descartamos incorporalo se é posible", expuxo, a preguntas dos xornalistas, o titular de Sanidade despois de que dous nenos, de sete e nove anos, o probaran o mércores na Coruña.
En concreto, foron un menor que sofre unha patoloxía afín á parálise cerebral e outro que padece atrofia muscular espinal (AME). A xornada contou coa presenza de fisioterapeutas e terapeutas ocupacionais de Aspace-A Coruña, GalicaAme e Amencer-Aspace para recibir formación e ver en funcionamento do exoesqueleto, informaron desde Sipnase Neurología, onde se presentou.
ENXEÑARÍA HOSPITALARIA
O conselleiro de Sanidade realizou estas manifestacións con motivo da súa presenza na Coruña para inaugurar o 40 seminario de enxeñaría hospitalaria onde se abordarán temas como a economía azul, a enxeñaría biomédica ou a eficiencia enerxética.
"Integrar a economía circular na atención sanitaria é un exemplo de transformación para o ecosistema industrial da comunidade e unha aposta pola saúde das persoas", engadiu ante 1.500 persoas entre congresistas e representantes de empresas.
