Arquivan unha denuncia contra Ecoloxistas en Acción en relación cunha protesta en San Finx
A propia empresa recoñeceu a preguntas da xuíza que durante a protesta non se produciu ningún tipo de dano material.
Por E.P. | SANTIAGO DE COMPOSTELA | 06/10/2023 | Actualizada ás 18:37
Ecoloxistas en Acción informa de que os xulgados de Noia han arquivada unha denuncia da empresa da mina de San Finx contra esta entidade en relación cunha protesta realizada o pasado 5 de xullo.
Nun comunicado, os ecoloxistas explican que a xuíza instrutora acordou nun auto sobreseer esta causa e o arquivo das actuacións ao non apreciar existencia de feito delituoso.
Ecoloxistas en Acción sostén que "se trataba dunha denuncia falsa e infudada con afán intimidatorio", pois con ela a mineira "pretendía silenciar as protestas como parte dunha campaña de acoso xudicial".
Asegura que a propia empresa recoñeceu a preguntas da xuíza que durante a protesta non se produciu ningún tipo de dano material. Por iso, non cabía reclamar ningunha indemnización, expón.
