Por Europa Press / Redacción | A CORUÑA | 25/10/2023 | Actualizada ás 14:27
Forzas Armadas, Ministerio de Defensa, Telefónica, Portos do Estado, empresas de loxística e de inspección ou mantemento de infraestruturas son algúns dos sectores que xa probaron as aplicacións da solución de Intelixencia Artificial (IA) para a seguridade das operacións con drons desenvolvida polo Instituto Tecnolóxico de Galicia (ITG) a través de FlastFly 2035.
Así se puxo de manifesto na presentación da mesma, nun acto na Cidade das TIC. Grazas a esta, as aeronaves non tripuladas farano, segundo os responsables de ITG, "de forma automatizada, segura e integradas no espazo aéreo". A UMI FASTFly 2035, impulsada pola Xunta de Galicia, desenvolveu a IA, a robótica, a electrónica e as comunicacións que permiten xa que as operacións con drons sexan, sinalan os seus responsables, fiables e viables para os operadores.
Así se expuxo nun acto que contou coa presenza da directora da Axencia Galega de Innovación da Xunta de Galicia (GAIN), Patricia Argerey, onde o Centro Tecnolóxico deu conta dos resultados da UMI FASTFly 2035. Trátase dunha alianza que tivo como un dos seus eixos estratéxicos a incorporación, cada vez máis intensiva, de Intelixencia Artificial aos voos con drons.
Este traballo forma parte dunha segunda fase, aliñada con estratexias internacionais, especialmente europeas, como a folla de ruta 2035 da Axencia Europea de Seguridade Aérea (EASA) para a incorporación da IA a sistemas deste tipo. Para Carlos Calvo, director xeral de ITG, o seu obxectivo é "impulsar o desenvolvemento de solucións destinadas a aumentar a competitividade do sector das aeronaves non tripuladas" desde Galicia "desenvolvendo solucións innovadoras" que sitúen á comunidade autónoma como referente no sector.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.