Máis de 68.000 abonos para realizar viaxes en tren ao 50 % expedidos en Galicia dende setembro

Renfe alcanza en Galicia os 68.455 abonos gratuítos expedidos para Media Distancia, Proximidades Ancho Métrico e bonos Avant bonificados ao 50 %, para viaxar desde o 1 de setembro ata o 31 de decembro de 2023. Estes abonos poden adquirirse en calquera momento durante o seu período de vixencia.

Do total de títulos adquiridos na comunidade autónoma galega, 68.220 corresponden a abonos gratuítos de Media Distancia e Proximidades Ancho Métrico, mentres que os 235 restantes corresponden ao servizo Avant que conecta Ourense coa Gudiña, Sanabria e Zamora, bonificado ao 50 %.

En total, Renfe superou en toda España os dous millóns de abonos gratuítos en Proximidades, Rodalies e Media Distancia, dos cales 1.441.195 corresponden a abonos para viaxar nos distintos núcleos de proximidade, Rodalies e Proximidades Ancho Métrico, mentres que 496.395 son abonos de Media Distancia Convencional.

Ademais dos abonos gratuítos para clientes recorrentes, Renfe vendeu preto de 67.931 títulos con descontos do 50 % de Avant para utilizar nos servizos de media distancia de alta velocidade.

Unha traballadora da limpeza traballa nas plataformas na estación de trens, en Santiago de Compostela | Fonte: César Arxina