Por Europa Press / Redacción | SANTIAGO DE COMPOSTELA | 01/11/2023 | Actualizada ás 10:55
Un home faleceu este mércores tras saír da estrada co coche que conducía en Santiago de Compostela. Segundo informou o 112, os profesionais sanitarios non puideron facer nada pola vida desta persoa, que viaxaba soa no vehículo cando se accidentou na rúa do Cruceiro da Coruña.
Ás 8,30 horas, os axentes da Policía Local chamaron ao 112 Galicia para solicitar a colaboración doutros servizos de emerxencias no operativo, dado que, segundo apuntan, a situación parecía grave. Finalmente, foi preciso empregar material de excarceración para liberar ao home.
Nada máis recibir o aviso, os xestores do Centro Integrado de Atención ás Emerxencias informaron a Urxencias Sanitarias de Galicia-061 e aos Bombeiros de Santiago, que se encargaron de excarcerar á persoa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.