Falece un home de 50 anos mentres xogaba un partido de fútbol en Pazos de Borbén

Un home de 50 anos faleceu na tarde deste sábado mentres xogaba un partido de fútbol no campo de Nespereira, en Pazos de Borbén. O suceso ocorreu sobre as 17,00 horas, cando o home sufriu un desmaio cando estaba a xogar no campo. Tras recibir a alerta, o 061 Galicia enviou ata o lugar do suceso unha ambulancia de soporte vital avanzado e outra de soporte vital básico, así como o persoal sanitario da PAC de Redondela.

Con todo, só puideron certificar o falecemento da vítima, un home de 50 anos e iniciais V.D.A. Así mesmo, no operativo tamén foron mobilizados polo 112 os axentes da Garda Civil e membros do GES de Mos.

Sala de operacións 112 Galicia | Fonte: XUNTA - Arquivo