Os Bombeiros comarcais acusan á Xunta de ás Deputacións de falta de resposta para negociar

O Comité de Folga dos Bombeiros comarcais expresou este xoves o seu "desconcerto" ante as declaracións realizadas no Pleno polo vicepresidente da Xunta, Diego Calvo, á vez que acusaron ao Goberno e ás deputacións de falta de resposta ás súas propostas para sentar a negociar.

En resposta a unha pregunta no Pleno, Diego Calvo asegurou este mércores que Xunta e Deputacións preparan unha "segunda proposta" para que os bombeiros comarcais poidan chegar a un acordo e conclúan este paro.

Fronte a isto, o comité de folga asegurou que "non houbo nunca unha primeira proposta para tentar pór solución ao conflito", se non que, tras a integración nas deputacións e "inmersos xa" nas protestas, houbo unha "imposición por parte da Xunta da esixencia de que se acordase un 'protocolo de negociación'".

"Esta proposta, esixía á parte traballadora que desconvocásemos a folga e, a cambio, os Consorcios unificarían os convenios colectivos, naquelas provincias onde actualmente convive máis dun (todas excepto Pontevedra) e recoñecerían a fijeza dos postos de traballo dos bombeiros subrogados", apuntan, "basicamente, a proposta que facían as administracións, para comezar a negociar, era que se comprometían a cumprir o que xa se comprometeu anos atrás e, a maiores, cumprir cos imperativos que establece o Tribunal Supremo no relativo á fijeza dos postos de traballo".

Por outra banda, aseguraron que, desde o Comité de Folga, "seguen sen ter resposta por parte das administracións", despois de que "no tres últimas citas convocadas pola parte traballadora non se presentase ninguén en nome da Xunta e as deputacións", aseguran. "Tampouco se nos trasladou resposta á nosa última invitación para reunirnos cando e onde digan eles", resolveu.

Decenas de bombeiros dos parques comarcais de Galicia durante a protesta por unha mellora das condicións laborais, fronte á Deputación de Lugo, a 31 de outubro de 2023, en Lugo | Fonte: Carlos Castro - Arquivo