Galicia rexistra tres mortes por afogamentos en espazos acuáticos en novembro

Galicia rexistra un total de 39 mortes por afogamentos en espazos acuáticos no que vai de 2023, das cales tres se produciron no mes de novembro, segundo o Informe Nacional de Afogamentos (INA) da Real Federación Española de Salvamento e Socorrismo.

No total de España, contabilizáronse nos 11 primeiros meses de 2023 ata 405 falecidos en espazos acuáticos, 26 deles o mes pasado, que se situou como o novembro máis fatídico desde 2015. En Galicia foron tres os mortos nestas circunstancias.

As persoas maiores de 45 anos representan o 53,84% das persoas que perderon a vida en novembro, con 9 mortes en maiores de 65 anos, 4 na franxa de idade de 45 a 54 anos, e unha entre 55 e 64. A maioría tiñan nacionalidade española, 17 das 26 (65,38%), mentres que 5 eran de procedencia europea (19,23%), un africana e outro caso americana. A praia é o lugar onde se deron máis óbitos en novembro, 11 do total (42,31%), mentres que 8 ocorreron en río (30,77%), un en piscina e 6 noutros espazos acuáticos.

Na maioría dos casos, 18 dos 26, non procedía o servizo de vixilancia, en 7 dos casos non había servizo de vixilancia e nun si había servizo socorrista activo.

Simulacro de rescate de afogamento. | Fonte: Carlos Luján - Europa Press - Arquivo