Excarceran a un condutor atrapado no seu coche nun accidente en Lalín

Un condutor tivo que ser excarcerado polos efectivos de emerxencia ao resultar atrapado no seu coche nun accidente en Lalín con outro turismo e un camión de gando baleiro implicado.

O sinistro produciuse ás 16,30 horas deste martes no quilómetro 296 da estrada N-525, á altura da parroquia de Bendoiro, segundo trasladou o CIAE 112 Galicia.

Ata o lugar desprazáronse os bombeiros de O Deza, que tiveron que axudar a un dos condutores a abandonar o habitáculo do seu vehículo. Unha vez fóra, foi evacuado en ambulancia de Urxencias Sanitarias 061 a un hospital.

Colisión entre dous vehículos. | Fonte: 112 Galicia.. 112 GALICIA