Por E.P. | SANTIAGO DE COMPOSTELA | 15/01/2024 | Actualizada ás 14:02
A investigadora Ana Belén Cid Álvarez é a gañadora do V Premio Internacional Ramiro Carregal de Investigación en Cardioloxía. O galardón recoñece o traballo que realiza co seu equipo de desenvolvemento de modelos predictivos para mellorar o prognóstico e optimizar as intervencións cirúrxicas na insuficiencia mitral severa, a patoloxía valvular máis común entre os maiores de 75 anos
Este premio, que será entregado proximamente polo mecenas Ramiro Carregal, foi dado a coñecer este luns polo xurado do certame que preside o doutor José Ramón González Juanatey. Conta cunha dotación económica de 30.000 euros e galardón acreditativo.
Ana Belén Cid Álvarez é cardióloga no Complexo Hospitalario Universitario de Santiago (CHUS) e investigadora principal do proxecto galardoado. Xunto con ela forman parte do equipo Ramiro Trillo Nouche, Amparo Martínez Monzonís, Alfredo Redondo Diéguez, Ana García Campos, Inés Gómez Otero, Belén Álvarez Álvarez, Violeta González Salvado e Xabier Irazustra Olloquiegui. O traballo leva por título 'Optimización dun programa contemporáneo de reparación valvular mitral percutánea: estudo de determinantes prognósticos e desenvolvemento de modelos anatómicos predictivos computacionales'.
Este grupo desenvolveu técnicas de reparación valvular mitral percutánea, "cuxa aplicación se incrementou significativamente nos últimos anos", sinalan os investigadores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.