Homenaxe en Padrón a Camilo José Cela no 22º aniversario do seu falecemento

Padrón acolleu este mércores a homenaxe impulsada pola Xunta con motivo do 22º aniversario do falecemento de Camilo José Cela. Estes actos para divulgar a súa figura e legado comezaron cunha ofrenda floral no cemiterio de Santa María de Adina por parte das autoridades e os escolares da Colexiata de Santa María de Adina.

A continuación, o director xeral de Cultura, Anxo Lorenzo, visitou o Museo da Fundación Camilo José Cela, onde se representou a obra de teatro 'O inventor de palabras', a cargo de Suso Martínez e Iñaqui Rosado, que conta a historia do encontro entre dous personaxes icónicos de Cela no que lembran territorios literarios.

Homenaxe en Padrón a Camilo José Cela no 22º aniversario do seu falecemento | Fonte: XUNTA DE GALICIA