Por Europa Press / Redacción | PONTEVEDRA | 26/01/2024 | Actualizada ás 17:01
A Garda Civil investiga a unha veciña de Vila de Cruces, de 38 anos de idade, como presunta autora dun delito de apropiación indebida, ao quedar con 1.000 euros que se atopou nun sobre e que pertencían a outra persoa.
Os feitos remóntanse ao pasado 9 de xaneiro, cando unha octoxenaria de Lalín acudiu ao posto de Vila de Cruces a interpor unha denuncia tras perder un sobre con 1.000 euros. Segundo relatou, despois de estar facendo xestións e compras en Cruces decatouse de que perdera o sobre co diñeiro.
As pescudas da Garda Civil permitiron identificar á muller que se atopou o sobre e quedouse co diñeiro. Os axentes recuperaron os 1.000 euros e devolvéronllos á súa propietaria, e a investigada deberá comparecer cando sexa requirida polo xulgado de Lalín.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.