Un catálogo de 75 de obras galegas preséntanse no mercado audiovisual de Berlín
A lista de títulos, na que se atopa películas como 'Matria' ou 'O Corno', divídese en 35 películas de ficción, 24 documentais, seis producións de animación e 10 formatos televisivos, cada un coa súa propia entrada, sinopse e imaxe, así como ficha técnica e artística.
Por Europa Press / Redacción | SANTIAGO DE COMPOSTELA | 21/02/2024 | Actualizada ás 14:38
O European Filme Market de Berlín de 2024, mercado paralelo á Berlinale, dispón dun catálogo elaborado pola Xunta con 75 producións audiovisuais galegas, das cales 34 están terminadas e 41, en fase final. A publicación onde se inclúen as producións está editada en inglés e está dispoñible tanto en versión física como en dixital interactiva. Así mesmo, vén acompañada dun vídeo que, tal como describe a Xunta nun comunicado, pretende "pór en valor a calidade e a variedade de oferta galega, ademais de contribuír a difundir o territorio galego como escenario de rodaxe".
A lista de títulos, na que se atopa películas como 'Matria' ou 'O Corno', divídese en 35 películas de ficción, 24 documentais, seis producións de animación e 10 formatos televisivos, cada un coa súa propia entrada, sinopse e imaxe, así como ficha técnica e artística. Tamén inclúe unha lista con contactos das compañías produtoras, cuxas pezas se elixiron a través dunha convocatoria ao sector, e que se complementan coas curtametraxes de Shorts from Galicia, publicados a par da celebración do Festival de Clermont-Ferrand (Francia). Ambas as seleccións e catálogos forman parte do programa de internacionalización do audiovisual que desenvolve o Goberno galego dentro do Plan Xeración Cultura.
