Declarado culpable dun homicidio por omisión o mozo de Nerea Añel, que con axuda médica podería terse salvado

O xurado popular declarou culpable dun homicidio por omisión ao único acusado da morte de Nerea Añel, que naquel entón, en xaneiro do 2020, era a súa parella. Tras catro xornadas de xuízo na Audiencia Provincial de Ourense, o xurado, formado por cinco homes e catro mulleres, declarou ao acusado culpable de homicidio por omisión. Fiscalía solicitaba esta pena por considerar que a muller con asistencia médica podería salvarse. Pola súa banda, a acusación particular, que representaba a nai da nova, solicitaba 14 anos de prisión e reclamaba que o home fose condenado por homicidio.

Nerea Añel | Fonte: EL - Arquivo