Dispáranse as licenzas para a construción de edificios
Soben un 28,8% en novembro, ata 228 inmobles.
Por Europa Press / Redacción | SANTIAGO DE COMPOSTELA | 29/02/2024 | Actualizada ás 10:29
As licenzas concedidas para a construción de edificios de nova planta en Galicia situáronse nas 228 en novembro (últimos datos dispoñibles), o que supón unha subida do 28,8% respecto ao mesmo mes de 2022, segundo cifras publicadas este xoves polo Instituto Galego de Estatística (IGE), recollidas por Europa Press.
Sobre edificacións xa existentes, concedéronse licenzas para 171 obras de rehabilitación, o que supón un preto dun 4% menos en comparación con novembro dun ano antes. Ademais, demoléronse 24 edificios, 11 máis. Por todo iso, creáronse 347 vivendas de nova planta, case un 29,5% máis. A través da rehabilitación conseguíronse 76 pisos, 17 máis, e demoléronse 37, 17 máis.
