Atopan o corpo sen vida do nonaxenario desaparecido en Aranga desde o 7 de marzo

Un veciño atopou este sábado o corpo sen vida do home de 90 anos que desaparecera o pasado xoves 7 de marzo no municipio coruñés de Aranga. Segundo confirmaron fontes da Garda Civil, sobre as 13,00 horas un veciño que camiñaba pola zona do monte As Lagoas, a uns dous quilómetros do domicilio do nonaxenario, atopou nunha cuneta unha gorra e tamén observou nas proximidades unha chaqueta cunhas chaves. A continuación, uns 20 metros máis adiante, saíndose da pista cara ao monte, achou o corpo.

Estas mesmas fontes sinalaron que xa se procedeu ao levantamento do cadáver, que foi trasladado ao Complexo Hospitalario Universitario da Coruña para realizarlle a autopsia. Un dispositivo buscaba ao nonagenario desde o pasado xoves 7 de marzo cando un familiar avisou ao 112 Galicia da súa desaparición, despois de que a traballadora doméstica notase a súa ausencia.

Tras rexistrarse a súa desaparición, os axentes da Garda Civil puxeron en marcha os correspondentes operativos de procura, nos que tamén participaron os membros do GES de Curtis, así como os drones da Axencia Galega de Emerxencias (Axega).

Axente da Garda Civil/ Europa Press / Europa Press