Internet introduce cambios no negocio da Lotería de Nadal
Os galegos, e sobre todo os ourensáns, están entre os que máis compran Lotería de Nadal a través de Internet. Desde Ventura24, unha das principais casas de Lotería por Internet, explícannos como o sector está a se transformar debido as vantaxes das novas tecnoloxías.
Por Galicia Confidencial | Madrid | 26/10/2015 | Actualizada ás 06:00
Desde hai uns días xa están dispoñibles os Décimos de Navidad de 2015, un multimillonario negocio no que os galegos invisten máis de 150 millóns cada ano. Unha porcentaxe cada vez máis importante deste xogo, xa que máis da metade do que ingresa o Estado pola Lotería, realízase a través da Internet.
De feito, Ourense, con 69 euros por persoa, é a provincia do Estado que máis se gastou o ano pasado en Lotería de Nadal por Internet, por diante de Soria e Áraba (67 euros por persoa).
Son datos de Ventura24, líder en Lotería por Internet en España, con máis de 600.000 usuarios e 14 anos de experiencia no sector. O seu responsable de mercadotecnia, Enrique Segura, explica que o crecemento do sector da Lotería por Internet débese a vantaxes como a seguridade (non son posibles os extravíos dos boletos premiados), os avisos automáticos de premios gañados, a posibilidade de xogar a calquera hora e calquera día, a opción de xogar en grupo a través das súas penas e o seu eficiente equipo de atención ao cliente, entre outras.
A pesar da existencia de novas ferramentas tecnolóxicas para formular combinacións de maneira aleatoria, moitos cos que seguen confiando a elección do número do seu boleto a crenzas e supersticiones. Así, existen unha serie de números que son os preferidos para xogar, a pesar de que en teoría todos teñen as mesmas posibilidades de ser premiados.
Desde Ventura24 explícannos que os números polos que moitos tenden a decantarse á hora de elixir o seu décimo son os que terminan ou conteñen o 15; coñecido como a nena bonita, o 22; os dous patitos, o 7; coñecido como o número da sorte, o 11; os dous soldaditos, o 13; curiosamente o número da mala sorte ou o 33; a idade de Cristo.
A popularidade dos diferentes produtos de Lotería é outro dos campos nos que se pode ver como as novas tecnoloxías están a cambiar o sector. Omnipresentes hai unha década, hoxe A Quiniela está a retroceder, debido ao progreso das apostas deportivas por internet. Os xogos de Lotería máis populares hoxe en día son Euromillones A Primitiva e o Sorteo de Nadal.
Co Sorteo de Nadal pasa algo curioso. É tal a súa tradición popular que o seu funcionamento escapa ás regras xerais deste tipo de xogos. Desde Ventura24, Enrique Segura explica que na Lotería de Nadal inflúen moito a tradición e o valor sentimental deste sorteo porque en xeral, a Lotería de Nadal vívese e xoga en grupo, non como individuos independentes, fronte ao anonimato doutros xogos de azar.
