Por Europa Press / Redacción | SANTIAGO DE COMPOSTELA | 16/04/2024 | Actualizada ás 12:44
O presidente da Xunta, Alfonso Rueda, deberá responder no primeira pleno da lexislatura, que co acto solemne de apertura comeza xa a total rendemento, a preguntas sobre a política industrial e en concreto sobre os fondos que destinaría o Goberno autonómico ao proxecto de Altri (a cargo do líder do PSdeG, José Ramón Gómez Besteiro), así como a cuestións sobre a "rexeneración democrática" (a cargo da líder do BNG, Ana Pontón).
Así se fixou na xunta de portavoces deste martes, previa á apertura solemne da XII Lexislatura, e na que tamén se acordaron os tempos e reparto de iniciativas. En xeral, mantense o mesmo número de propostas por pleno e só se varían os tempos das mocións, de forma que por cada iniciativa que introduza Democracia Ourensana por sesión, nese caso o PSdeG, terceira forza con nove deputados, perderá esa cota correspondente. O BNG, con 25 deputados e segunda forza da Cámara, manterá a súa cota.
Deste xeito, manterase un máximo de dúas preguntas de control ao presidente da Xunta cada quince días, como "marca o regulamento", aínda que noutras lexislaturas chegou a haber máis por pacto dos grupos. En todo caso, o portavoz parlamentario do PPdeG, Alberto Pazos Couñago, estimou que é "razoable" o acordo alcanzado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.