Piden catro anos de cárcere para un home que agredir ao seu curmán na Discoteca Doa Dana de Touro

Piden catro anos de cárcere para un home acusado de agredir ao seu curmán no interior da discoteca Doa Dana, en Touro. O caso, procedente do Xulgado de Instrución Nº1 de Arzúa, xulgarase o vindeiro xoves na Audiencia Provincial da Coruña. Segundo recolle o escrito do Ministerio Fiscal, ao redor das 2.45 horas, no interior da mencionada discoteca, a vítima achegouse ao lugar no que se atopaba o seu curmán, nas próximidades do escenario e alí este estampoulle un vaso de cristal na fazula esquerda.

A agresión cesou tras a intervención de varias persoas de ao redor que separaron aos dous homes. Coa agresión, a vítima sufriu tres feridas inciso-cortantes en hemicara esquerda que precisaron para a súa curación, anestesia local, sutura intradérmica e sutura superficial, o que levou unha curación de 21 días, con 15 de baixa laboral. Ademais, quedaron cinco cicatrices que levaron 14 puntos.

Por iso, a Fiscalía considera os feitos constitutivos dun delito de lesións agravadas por deformidade, polo que piden para o acusado catro anos de cárcere ou, subsidiariamente, por un delito de lesións con uso de instrumento perigoso, tres anos de prisión. Así mesmo, en concepto de responsabilidade civil, o acusado indemnizará á vítima con 1.100 euros polas lesións causadas e 20.000 polas secuelas, e ao Sergas, na cantidade que se determine no xuízo.

Discoteca Dona Dana en Touro | Fonte: Páxinas Galegas