Tres mortos durante a ponte das Letras en 56 accidentes de tráfico en Galicia

Urxencias Sanitarias de Galicia 061 asistiu durante a ponte das Letras Galegas a un total de 74 persoas implicadas en 56 accidentes de tráfico ocorridos nas estradas galegas. Deles, tres perderon a vida.

En concreto, a Central de Coordinación do 061 recibiu nestes días 65 chamadas en relación con accidentes de tráfico. Estas alertas xeraron 56 asistencias sanitarias por parte do persoal do 061, que atendeu un total de 74 persoas. Destes feridos, o 54% eran homes e o 33% tiña entre 40 e 54 anos. O día con máis sinistros foi o sábado, con 18.

Por provincias, A Coruña foi a que máis accidentes rexistrou, con 26, seguida por Pontevedra, onde tiveron lugar 19 sinistros, Lugo, con seis, e Ourense, onde se produciron cinco.  En 50 casos os feridos foron trasladados aos centros sanitarios correspondentes, en 21 ocasións atendeuse no propio lugar do incidente e tres persoas faleceron no punto.

Helicóptero de Urxencias Sanitarias de Galicia-061 / 061 / Europa Press