Galicia urxe ao Goberno central un acordo sobre Atención Primaria

O conselleiro de Sanidade, Antonio Gómez Caamaño, volveu a reclamar ao Goberno "unha convocatoria urxente" do Consello Interterritorial para abordar de maneira "global" a falta de profesionais de Atención Primaria, especialmente no verán. A preguntas dos xornalistas, con motivo dunha reunión co equipo directivo da área sanitaria da Coruña-Cee, insistiu en que é unha "obrigación" do Ministerio de Sanidade "facer esa reunión".

"Cada unha ten a súa responsabilidade", sentenciou sobre o papel das administracións a este respecto. Ademais, asegurou que hai que "traballar pensando nos pacientes e non en axendas electorais ou intereses persoais". Noutra orde de cousas, e cuestionado polo posicionamento de colexios de médicos galegos respecto das últimas actuacións da Xunta nesta materia, insistiu en que se busca "a desburocratización para tentar que os facultativos de Atención Primaria traballen nas súas profesións".

"Recuperen o acto médico como un acto clínico de valor que impacte positivamente na saúde dos pacientes". Ademais, expuxo "redimensionar en función das necesidades" e traballando desde "unha visión global". Todo iso para que os pacientes teñan "un acceso rápido ao sistema de saúde independentemente da metodoloxía", despois das críticas ao plan XIDE, de xestión integrada de demanda en equipo. Con todo, pediu un "pouco de paciencia".

O conselleiro de Sanidade, Antonio Gómez Caamaño, mantén un encontro co equipo directivo da área sanitaria da Coruña e Cee | Fonte: MONCHO FUENTES