A Deputación da Coruña abrirá subvencións para os servizos normalización lingüística municipais
Son 24 os beneficiarios, que recibirán axudas duns 20.0000 euros, excepto un dos solicitantes ao que lle corresponden 18.000, informa a institución provincial
Por E.P. | A CORUÑA | 28/05/2024 | Actualizada ás 19:06
A Deputación da Coruña reservará neste exercicio unha partida de 478.000 euros para o programa FONL 2024, de subvencións aos concellos, agrupacións de municipios, mancomunidades e outras entidades locais da provincia da Coruña.
Será para a creación, mantemento e reforzo dos servizos de normalización lingüística. Son 24 os beneficiarios, que recibirán axudas duns 20.0000 euros, excepto un dos solicitantes ao que lle corresponden 18.000, informa a institución provincial.
O Boletín Oficial da Provincia publicou tamén a resolución pola que se aproba a concesión definitiva de subvencións correspondentes ao programa FO2016, de axudas a concellos e entidades locais para financiar gastos de persoal técnico para a atención de museos e centros museísticos durante o ano 2024.
