Un operario secciona os dedos dun pé nunha fábrica de xeo en Muxía

Un operario resultou ferido este xoves tras seccionarse os dedos dun pé mentres traballaba nunha fábrica de xeo na localidade coruñesa de Muxía.

Segundo a información do CIAE 112-Falicia, o suceso ocorreu sobre as 18,30 horas deste xoves, na fábrica de xeo da Confraría de Pescadores de Muxía. Foi o propio ferido o que deu a voz de alarma a Emerxencias.

Ata a zona foi mobilizado o helicóptero sanitario do 061 con base en Santiago, que trasladou ao ferido. No operativo tamén participaron voluntarios de Protección Civil e efectivos da Garda Civil.

Helicóptero do 061 | Fonte: Arquivo