A Orquesta Panorama tamén é para os nenos
Panorama Kids, un musical para toda a familia, chega esta semana a Pontevedra. Un espectáculo musical a cargo da coñecida Orquestra Panorama. As entradas xa se poden adquirir a través da Internet.
Por GC Tendencias | | 11/11/2015 | Actualizada ás 11:59
O Auditorio Sede Afundación de Pontevedra (Augusto González Bicada, 2) acolle o vindeiro sábado 14 de novembro, en dúas funcións, ás 18.00 e ás 20.30 h., o espectáculo musical Panorama Kids desenvolvido e interpretado polos compoñentes da coñecida Orquestra Panorama.
Dirixido a toda a familia, Panorama Kids combina música, teatro, humor, e unha coidada posta en escena para que pequenos e maiores o pasen en grande. Ademais, nesta ocasión, a agrupación contará coa colaboración da actriz galega Genma Pardo, que guiará ao público polas reviravoltas do espectáculo. As entradas poden adquirirse a través das canles habituais de venda de Afundación, como Ataquilla.com.
Panorama Kids
O musical nace con vocación de achegarse ao público infantil e xuvenil sen perder a propia esencia de Orquestra Panorama, a máis famosa das orquestas galega. O espectáculo, que comezou a súa xira en novembro do ano pasado, percorreu numerosos escenarios do territorio español e galego, e concluirá o próximo 21 de decembro cunha actuación no teatro Colón da Coruña.
