O PSdeG defenderán recoñecer ás confrarías de pescadores na reforma da Política Pesqueira Común

O PSdeG defenderá no parlamento galego e no europeo o recoñecemento das confrarías de pescadores na reforma da Política Pesqueira Común da Unión Europea. Para iso, o eurodeputado Nicolás González Casares e o deputado Julio Abalde reforzarán a súa posición a favor das singularidades do sector pesqueiro galego.

Segundo informaron os socialistas, ambos remarcaron a necesidade de que as confrarías de pescadores galegas teñan un papel destacado nesta reforma, debido á súa relevancia tanto no ámbito social como económico.

González Casares defendeu que as confrarías representan "boa parte" do tecido social e das comunidades pesqueiras en Galicia e por iso "é esencial" que sexan consideradas na reforma do PPC, tanto a nivel social como económico. Neste sentido, o eurodeputado destacou que levará esta reivindicación a Bruxelas para "asegurar" que a acuicultura, o marisqueo e a pesca artesanal galegas sexan "defendidas nos foros europeos".

Paralelamente, o deputado autonómico Julio Abalde presentou unha iniciativa no Parlamento de Galicia para pedir o apoio a toda a Cámara para o recoñecemento das confrarías de pescadores como "entidades equivalentes" ás organizacións de produtos pesqueiros, para que poidan acceder aos fondos estruturais europeos, como o Fondo Europeo Marítimo, de Pesca e da Acuicultura (FEMPA).

As percebeiras de Rinlo, da Confraría de Pescadores de Ribadeo, recollen percebes | Fonte: Carlos Castro - Europa Press - Arquivo