Air Nostrum busca azafatas en Galicia

Air Nostrum, a aerolínea franquiciada de Iberia para voos rexionais, iniciou un novo proceso de selección de tripulantes de cabina de pasaxeiros (TCP) para incorporar ao seu persoal.

Responsables da compañía viaxarán a semana próxima a Vigo dentro da xira que están a realizar por diversas localidades para tomar contacto con posibles candidatos. O equipo de selección ofrecerá aos interesados unha visión interna da compañía e das características do traballo nela.

Os interesados en asistir aos procesos de selección deberán introducir previamente a súa curriculum vitae (CV) na web da compañía, inscribíndose na oferta de xornada de portas abertas (http://www.airnostrum.es/airnostrumempleo/).

Ao acudir á entrevista no hotel os aspirantes teñen que achegar dúas fotos de tamaño carné e unha de corpo enteiro, unha fotocopia do Documento Nacional de Identidade (DNI) ou, se fose preciso, o permiso de residencia e traballo, tres copias dos CV e unha certificación dos estudos cursados.

Quen superen a entrevista persoal e as probas psicotécnicas terán a posibilidade de realizar un curso específico de mes e medio no que recibirán a formación coa que conseguirán o certificado de voo xunto coas habilitacións que lles permitirán realizar o seu labor nas diferentes aeronaves da compañía.

As entrevistas cos candidatos terán lugar o xoves 28 de xaneiro no hotel NH Palacio de Vigo da cidade galega ás 9 da mañá.