Por Galicia Confidencial | Rianxo | 30/01/2016 | Actualizada ás 10:00
Unha delegación do PNV está presente en Rianxo, para participar dos actos programados polas distintas fundacións, entidades culturais, colectivos cidadáns e formacións políticas galeguistas-nacionalistas do país, en lembranza e homenaxe no 130 anivesario do nacemento do político, artista e escritor Manuel Alfonso Daniel Rodríguez Castelao.
O Partido Galeguista (PG) é o impulsor deste acto no que quere destacar a importancia que Castelao tivo no impulso do galeguismo e do nacionalismo. A esta cita acudirá o senador Jokin Bildarratz Sorrón de Guipuzcoa e portavoz do grupo parlamentario Vasco no Senado.
O PG lembra que Castelao tamén tivo moita relación con quen foi o primeiro dos lehendakaris vascos José Antonio Aguirre Rodríguez. Ademais, destaca a participación que o PNV tivo no VI Congreso do Partido Galeguista e no Centenario do Nacemento de Castelao (1986). Naquelas ocasións, atendendo á invitación do PG, desplazáronse a Galicia Iñaki Anasagasti e Jon Gangoiti; e a Rianxo, ademáis do ex-lehendakari Jesús María de Leizaola, o senador por Álava José Ignacio Bajo, e o Conselleiro de Cultura do Goberno Vasco, Luís María Bandrés Unanúe de Guipuzcoa.
Coincidindo cos primeiros comicios electorais ó Parlamento Europeo (1987), nos que o Partido Galeguista concurriu coaligado co Partido Nacionalista Vasco (Europar-Batasuna), estiveron en Galicia Xavier Arzalluz (Pte. Euzkadi Buru Batzar) e Iñaqui Anasagasti (portavoz parlamentar do PNV no Congreso dos Deputados).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.