Prisión provisional para o acusado de ameazar e tentar agredir á cociñeira dun bar en Ponteceso

A xuíza do Xulgado de Instrución número 3 de Carballo, en funcións de garda, decretou o ingreso en prisión provisional, comunicada e sen fianza para o acusado de tentar agredir á cociñeira dun establecemento hostaleiro no municipio coruñés de Ponteceso. Segundo fontes do TSXG, o home é investigado por lesións agravadas, ameazas e quebrantamento, sen prexuízo de que a cualificación poida cambiar ao longo da instrución. O home foi detido por axentes da Garda Civil a última hora deste venres tras producirse o intento de agresión a media tarde nun bar da localidade.

Un axente da Garda Civil de costas e xunto a un vehículo oficial do corpo | Fonte: GARDA CIVIL - Arquivo