Gómez Caamaño destaca o labor da AECC do Val Miñor no apoio a pacientes oncolóxicos
O conselleiro comprométese a seguir colaborando coa entidade e mellorar a atención sanitaria.
Por Europa Press / Redacción | Santiago de Compostela | 27/04/2025 | Actualizada ás 20:39
O conselleiro de Sanidade, Antonio Gómez Caamaño, destacou este domingo o "labor fundamental" que desenvolve a Asociación Española contra o Cancro do Val Miñor no coidado cotián dos pacientes e tamén das súas familias.
Así o sinalou durante o xantar celebrado na localidade pontevedresa de Baiona, un encontro no que o titular de Sanidade estivo acompañado polo xerente da área sanitaria de Vigo, Javier Ponte.
Con todo, Gómez Caamaño comprometeuse a "seguir traballando de xeito conxunto coa entidade", así mesmo, a Xunta indicou nunha nota de prensa que "seguirá apostando polas vías rápidas de atención ao cancro, pola mellora da hospitalización a domicilio e dos coidados paliativos e pola prevención".
