Ferida tras caer por un barranco e chocar contra unha árbore
aconteceu en Folgoso do Courel.
Por Europa Press / Redacción | LUGO | 07/05/2025 | Actualizada ás 21:41
Unha muller resultou ferida e foi trasladada ao hospital despois de saírse da vía coa furgoneta que conducía, caer por un barranco e chocar contra unha árbore en Folgoso do Courel.
Segundo informou o 112, o aviso produciuse uns 10 minutos despois das 14,00 horas e o sinistro rexistrouse no quilómetro 30 da LU-651. Segundo o particular que informou a través o número único de emerxencias, unha furgoneta saíu da estrada e caera por un pequeno barranco duns tres metros. Despois chocou contra unha árbore, sen ser capaz de saír do vehículo.
Con esta información, os xestores do 112 Galicia solicitaron a intervención de Urxencias Sanitarias de Galicia-061, que mobilizou o helicóptero medicalizado con base en Ourense, dos Bombeiros de Monforte de Lemos e do GES de Quiroga. En todo caso, finalmente, a vítima puido saír polo seu propio pé e coa axuda dos membros do GES para, posteriormente, ser trasladada ata o Hospital de Lugo polo persoal sanitario.
