Detido en Panamá o sospeitoso polo crime de dúas cidadás chinesas en Pontevedra en 2009

Axentes da Interpol en Panamá detiveron este luns ao sospeitoso polo crime de dúas cidadás chinesas no ano 2009 en Pontevedra que se deu á fuga. Segundo trasladou o ente policial, o detido trátase dun cidadán asiático que viaxaba cara a Panamá procedente de París nun voo en tránsito desde China. Unha vez no aeroporto foi aprehendido polas unidades policiais e trasladado para iniciar os trámites correspondentes establecidos na lei.

Así, as autoridades precisaron que o home fora requirido "mediante notificación vermella con fins de extradición, emitida polas autoridades españolas". En concreto, sinalaron que este individuo estaba a ser buscado polo dobre homicidio de dúas cidadás chinesas ocorrido no ano 2009 en Pontevedra e tras o cal logrou fuxir ao seu país de orixe, China.

Detención dun cidadán chinés en Panamá ao que se buscaba pola morte de dúas cidadás chinesas en Pontevedra en 2009.. INTERPOL PANAMÁ | Fonte: Europa Press