Axentes da Garda Civil salvan a vida a un condutor na AP-9

Unha patrulla da Garda Civil de Tráfico de Pontevedra realizou, o pasado 2 de outubro, unha reanimación cardiopulmonar (RCP) ao ocupante dun vehículo na autoestrada AP-9 ao seu paso por Vilaboa. Os axentes realizaban un servizo na autoestrada cando recibiron aviso de que unha condutora dun turismo chamara á central porque o seu acompañante sufría unha indisposición.

Segundo informa a Garda Civil nun comunicado, desprázanse ata o lugar e comproban que esta persoa carece de pulso, co que a extraen do turismo, e inician manobras RCP, á vez que tamén solicitan unha ambulancia para a súa asistencia. "Aos 5 minutos, comproban que recupera o pulso, volvendo perdelo novamente, polo que se continua coas manobras de reanimación. Instantes despois detense unha ambulancia, que lle realiza unha desfibrilación e estabiliza a esta persoa", explica a Guaria Civil. Posteriormente, foi trasladada por unha ambulancia medicalizada ao Hospital Álvaro Cunqueiro de Vigo, onde continúa ingresada na UCI actualmente.

Axente da Garda Civil de Tráfico | Fonte: GARDA CIVIL - Arquivo