PSdeG esixe "honestidade" co grao de na Coruña e Caballero convocará un pleno para solicitar Medicina en Vigo

O portavoz da Executiva do PSdeG, Julio Torrado, esixiu "honestidade" respecto da intención da Universidade da Coruña (UDC) de implantar o grao de Medicina e pediu á Xunta "que non conte unha versión que non é".

Así se referiu este venres o socialista á solicitude da UDC para contar cunha nova facultade de Medicina no curso 2027-2028. Cabe lembrar que o reitor da UDC insiste en que a súa intención é "achegar" e non "botar un pulso a ninguén"

Neste sentido, lembrou que o acordo asinado en 2015 "recollía a descentralización da titulación e a participación do tres universidades galegas", polo que incidiu en que "non se trata de inventar nada novo, senón de cumprir o que xa está pactado".

Con todo, achegou datos e destacou que "Galicia gradúa pouco máis de 400 médicos ao ano e solicita máis de 500 prazas MIR. Polo que creo que alguén debería facer as contas".

PLENO EXTRAORDINARIO EN VIGO

O alcalde de Vigo, Abel Caballero, anunciou que convocará un pleno extraordinario para pedir á Xunta que habilite unha facultade de medicina na Universidade de Vigo (UVigo).

Noutro audio enviado aos medios de comunicación, o rexedor reiterou a súa "demanda contundente" para que a cidade teña esta facultade, argumentando que o resto de cidades de España cunha poboación similar xa dispoñen desta dotación.

Por iso, pediu ao Executivo autonómico que dote á UVigo do orzamento necesario para pór en marcha a titulación de Medici a na cidade, sen que iso supoña unha redución dos recursos actuais destinados a outros fins.