Leiceaga será o candidato do PSdeG á Xunta
O rural resulta clave para a vitoria do candidato santiagués, que conseguiu 128 votos en Vigo tras a súa alianza con Gonzalo Caballero, fronte a 418 do seu rival, Méndez Romeu, apoiado polo alcalde Abel Caballero.
Por Galicia Confidencial | Santiago | 28/05/2016 | Actualizada ás 21:55
Xoaquín Fernández Leiceaga foi elixido candidato do PSdeG á Presidencia da Xunta no proceso interno que celebraron os socialistas galegos para elixir o seu cabeza de cartel nas eleccións de Outono, a falta do reconto total dos apoios, aínda que ambas as candidaturas xa recoñecen a vitoria para o economista noiés. As primeiras cifras, provisionais, dan uns 3.400 apoios para Leiceaga fronte a 2.784 do seu rival.
Aínda que en cidades como en Vigo, cuxo alcalde, Abel Caballero, situouse a favor de Méndez Romeu, onde o candidato coruñés obtivo unha clara vitoria --418 votos por 128 de Leiceaga--, o economista venceu nas localidades de Pontevedra --138 fronte a 76--, Ferrol --98 a 79--, Lugo --147 a 87-- e Vilagarcía --89 fronte a 47---
Con todo, a vitoria para o candidato socialista fraguouse en especial no rural, onde obtivo un plus de decenas de votos. Ademais, Leiceaga tamén se fixo coa vitoria na cidade de Ourense --196 a 143--, divida en dous bloques, un deles os afíns ao exsecretario xeral Pachi Vázquez.
