Atendidas 83 persoas por 62 accidentes de tráfico durante a fin de semana
Por Europa Press / Redacción | SANTIAGO DE COMPOSTELA | 23/06/2025 | Actualizada ás 11:09
Urxencias Sanitarias de Galicia-061 asistiu durante o fin de semana a 83 persoas por 62 accidentes de tráfico ocorridos nas estradas galegas. Segundo explican nun comunicado, o período contabilizado comprende desde as 15.00 horas do venres, 20 de xuño, ata as 23.59 horas do domingo, 22 de xuño.
O domingo foi o día no que se rexistraron máis sinistros, con 24 accidentes de tráfico. A proporción de homes e mulleres atendidos foi do 55% e do 45%, respectivamente. Por idades, obsérvase que o 32,5% dos atendidos tiña entre 35 e 49 anos.
Por provincias, Pontevedra foi a que máis sinistros rexistrou con 24 accidentes de tráfico durante os desprazamentos destas datas. Séguelle a da Coruña, con 23; e xa a distancia, a de Lugo, con nove; e Ourense, con seis.
Os recursos sanitarios mobilizados polos médicos que atenderon as chamadas na Central de Coordinación do 061 foron 80. En 71 casos os feridos foron trasladados aos centros sanitarios correspondentes, en 11 ocasións atendeuse no propio lugar do incidente e unha persoa faleceu no punto.
