A Xunta reparte unha media de 125€ a centros privados e concertados por fomento do galego

A Consellería de Educación, Ciencia, Universidades e FP repartiu un total de 13.868 euros a 112 centros de titularidade privada, tamén concertados, para o desenvolvemento de proxectos de fomento do uso do galego. En total, a media sería de 125€ por centro, aínda que algúns reciben máis e outros menos.

Así o recolle unha orde que publica este xoves o Diario Oficial de Galicia (DOG), na que figura a relación definitiva dos colexios que foron beneficiarios desta liña de subvencións. Dos 112 centros educativos, 45 están situados na provincia da Coruña, 39 na de Pontevedra, 16 na de Ourense e 12 na de Lugo.