Por Europa Press / Redacción | SANTIAGO DE COMPOSTELA | 07/07/2025 | Actualizada ás 14:21
Tres persoas resultaron feridas este luns en Ribeira nunha colisión frontal entre dous vehículos, dúas delas graves e unha leve. En concreto, o accidente ocorreu no quilómetro 5 da AC-303, en Olveira. Segundo informa o 112 Galicia, este foi notificado dez minutos despois das 12.00 horas a través do sistema de alerta automática dun dos turismos implicados. Durante a primeira comunicación, indicouse que había polo menos unha persoa ferida e, pouco despois, os presentes no lugar engadiron que varias persoas permanecían no interior dos coches.
Nada máis recibir a información deste accidente, os responsables do Centro de Atención Integrada de Urxencias solicitaron a intervención de Emerxencias Sanitarias de Galicia-061, do Corpo de Bombeiros e do GAEM de Ribeira, da Garda Civil de Tráfico e de efectivos da Policía Local. Os bombeiros confirmaron alí que había tres persoas feridas, as cales foron atendidas e posteriormente trasladadas en ambulancia polos servizos sanitarios.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.