CSIF reclama"reforzar a seguridade" despois dunha "agresión" a un sanitario no PAC de Boiro

A Central Sindical Independente e de Funcionarios (CSIF), reclamou á Administración "un plan urxente para reforzar o persoal de seguridade nos centros de saúde" ante unha nova "agresión" a un sanitario nO PAC de Boiro.

Segundo trasladou o sindicato nunha nota de prensa, un home agrediu á súa parella e a un sanitario este martes no PAC de Boiro. A "agresión" produciuse "no medio dunha discusión familiar, entre o home, a súa parella, e a súa sogra, na que interveu un dos facultativos".

Tal e como explicou a CSIF, o persoal da PAC botou ao home fose do centro. Este "abalanzouse contra as portas e golpeou repetidamente os cristais cunha cadeira da terraza dun local próximo". Finalmente, tras unha persecución, a Policía logrou detelo.

Ante esta situación, o sindicato condenou " enerxicamente a agresión" e esixiu á Consellería de Sanidade "que se poña as pilas e actúe con firmeza para garantir a integridade física e emocional dos profesionais", porque "non é un feito illado".

CSIF advertiu dun "alarmante incremento de episodios violentos" nos últimos meses en Galicia e instou á Xunta a adoptar as seguintes medidas: o "reforzo estable de vixiantes" de seguridade en centros de saúde e PAC durante os períodos de maior afluencia e risco; a aplicación "rigorosa e revisión inmediata" dos protocolos contra a violencia.

Tamén, apuntou a central sindical, a creación de programas formativos obrigatorios para todo o persoal en técnicas de desescalada e manexo de situacións de tensión, e a elaboración de campañas de sensibilización pública que "visibilicen o problema e promovan o respecto ao persoal sanitario".

A XERENCIA MANIFESTA O SEU "REXEITAMENTO AO INCIDENTE"

Pola súa banda, a xerencia da área Sanitaria de Santiago-Barbanza manifestou nun comunicado a súa "profunda preocupación" e o "rexeitamento polo lamentable incidente deste martes", que cualificou como "inaceptable".

Neste sentido, agradeceu a "dedicación e profesionalidade" do persoal que se atopaba na PAC e "o esforzo constante que realizan para garantir a atención e o benestar dos pacientes".

Así mesmo, asegurou que desde a Consellería "está a ultimarse unha lei para reforzar a protección" do persoal sanitario fronte ás agresións.

Varias persoas cunha pancarta durante unha concentración da CSIF fronte ao Ministerio de Facenda | Fonte: Alejandro Martínez Vélez - Arquivo