O alcalde de Sanxenxo atópase "ben" e está teletraballando tras o atropelo
O suceso ocorreu nun aparcadoiro da Praza do Mar e o condutor deu positivo en alcoholemia.
Por Europa Press / Redacción | Santiago de Compostela | 14/07/2025 | Actualizada ás 10:45
O alcalde de Sanxenxo, Telmo Martín, atópase "ben" e está teletraballando desde a súa casa despois do atropelo sufrido na madrugada do domingo nun aparcadoiro. Así o aseguran a Europa Press fontes do Concello, que ratifican que o condutor, que deu positivo nas probas de alcoholemia, foi denunciado por estes feitos.
O suceso produciuse ás 06.00 horas do domingo na Praza do Mar, onde o alcalde, acompañado do inspector xefe da Policía Local, realizaba unha "rolda de control da movida nocturna". Martín resultou ferido nunha perna tras ser atropelado durante a manobra de marcha atrás dun vehículo. O rexedor foi derivado en ambulancia ao Hospital Montecelo de Pontevedra cunha fisura na morna da perna esquerda. Aínda que recibiu a alta médica o propio domingo, o rexedor debe de estar coa perna inmobilizada polo menos durante 10 días.
