Localizan a unha muller desaparecida en Entrimo durante a noite do xoves
A desaparición mobilizou un dispositivo de busca que culminou co seu achado pouco antes das 10 da mañá.
Por Europa Press / Redacción | Santiago de Compostela | 25/07/2025 | Actualizada ás 15:36
Unha muller de avanzada idade, desaparecida en Entrimo (Ourense) na noite do xoves, foi localizada esta mañá nunha zona de difícil acceso da parroquia da Pereira. A Axencia Galega de Emerxencias (Axega) indicou que foron os efectivos de Protección Civil de Entrimo os que contactaron co 112, pouco antes das 10.00 horas, para informar de que fora localizada. A muller necesitaba asistencia sanitaria.
O rescate foi realizado polo GES de Lobios, que empregou unha padiola para trasladar á muller ata a ambulancia. Posteriormente, foi evacuada ao momento de Atención Continuada. No operativo participaron tamén Urxencias Sanitarias de Galicia-061 e axentes da Garda Civil, xunto cos voluntarios de Protección Civil de Entrimo.
