A OUFF sobre a sección oficial, "unha mostra do mellor cinema internacional máis recente"

O Ourense Filme Festival anunciou o primeiros catro filmes que integrarán a Sección Oficial Internacional da súa 30ª edición, unha mostra destacada "do mellor cinema internacional máis recente, con propostas procedentes de lugares tan diversos como Irán, Arxentina, Taiwan ou Portugal".

O festival seleccionou 'Un simple accidente', de Jafar Pahani, un filme procedente de Irán e recente gañador da Palma de Ouro en Cannes 2025, 'Entroncamento', de Pedro Cabeleira, unha película de orixe portuguesa, que terá a súa estrea estatal no certame ourensán.

Completan esta primeira selección as películas 'Extrangera', de Michelle Malley, unha coprodución entre Porto Rico e Taiwan que será tamén unha estrea do OUFF, neste caso europea, e 'Gatillero', de Cris Tapia, unha película de acción rodada integramente en plano secuencia, procedente de Arxentina.

O OUFF Ourense Filme Festival celebrarase de 26 de setembro a 5 de outubro de 2025 coorganizado pola Deputación de Ourense e a Asociación Luarada.

Fotograma de 'A miña ilustrísimo amigo', de Paula Cons.. OUFF