Un veciño de Tomiño rouba dunha explotación gandeira un pastor eléctrico, unha batería e unha placa solar

A Garda Civil investiga a un veciño da localidade pontevedresa de Tomiño, de 41 anos, como presunto autor dun delito de furto dun pastor eléctrico, unha batería e unha placa solar que se atopaban instalados nunha explotación gandeira. Segundo informou o Instituto Armado, os feitos tiveron lugar o pasado día 5 e tras diferentes xestións realizadas por parte do Equipo EBIO de Tui este martes procedeuse a investigar á persoa. Desta forma, os axentes puideron recuperar todos os efectos subtraídos.

Pastor eléctrico recuperado | Fonte: GARDA CIVIL