Amnistía Internacional reclama á Xunta máis recursos para a atención da infancia migrante
Lamenta o silencio da Consellería de Política Social ás "diversas cartas" sobre este tema remitidas por Amnistía Internacional e traslada á Xunta "recomendacións para garantir o interese superior dos menores migrantes"
Por E.P. | A CORUÑA | 02/10/2025 | Actualizada ás 12:00
Amnistía Internacional Galicia remitiu unha carta aberta ao presidente da Xunta, Alfonso Rueda, e á conselleira de Política Social e Igualdade, Fabiola García, na que reclama medidas para reforzar a atención da infancia migrante.
Nun comunicado, explica que no documento insta o Executivo galego á dotación de "os recursos necesarios para garantir a acollida digna" destes menores que se encuentan en "centros saturados de Ceuta e Canarias" e serán trasladados ás comunidades autónomas "nos próximos meses". "Cumprindo así co principio do interese superior do menor e as normas internacionais de dereitos da infancia", engade.
A portavoz desta organización, Sara Prieto, valora "positivamente o compromiso expresado pola conselleira de Política Social no parlamento galego o pasado 24 de setembro de proporcionar unha atención integral, tanto sanitaria como educativa e social, a estes menores".
Así mesmo, reclama "información polo miúdo de como se vai a concretar ese compromiso" e celebra "a rápida condena do presidente Rueda do ataque o 20 de setembro ao centro de Monforte", considerándoo un feito "crucial para frear o discurso de odio".
Do mesmo xeito, Prieto pide "traducir esa condena en accións concretas para garantir a acollida digna e itinerarios de inclusión individualizados destes menores".
Ademais, lamenta o silencio da Consellería de Política Social ás "diversas cartas" sobre este tema remitidas por Amnistía Internacional e traslada á Xunta "recomendacións para garantir o interese superior dos menores migrantes".
