Xunta destaca como "prioritario" un novo parque empresarial ao carón de Pontevedra
Trátase do parque empresarial de Fragamoeira, en Poio, que prevé o seu inicio a finais de 2027.
Por E.P. | PONTEVEDRA | 07/10/2025 | Actualizada ás 17:58
A conselleira de Economía e Industria, María Jesús Lorenzana, destacou como "unha obra prioritaria" a construción do futuro parque empresarial de Fragamoreira, en Poio, e prevé que as obras se inicien a finais de 2027.
Tal e como trasladou o Goberno galego nunha nota de prensa, Lorenzana citouse co aclade do municipio, Ángel Moldes, para abordar o inicio da tramitación do Plan Estruturante de Ordenación de Só Empresarial (Peose) do futuro polígono de Fragamoreira, que este martes sae a información pública, unha vez superado o trámite ambiental.
Así, a conselleira indicou que a planificación deste parque empresarial, que abarcará unha superficie de 373.416 metros cadrados, cun investimento de 29,9 millóns de euros, tanto no Concello como con todos os órganos sectoriais. "Espero que esa aprobación definitiva permita que no ano 2026 xa traballemos na urbanización do polígono, na expropiación, e prevexo que na segunda metade do 2027 estaremos a licitar as obras", detallou.
ATRAER INVESTIMENTO
Lorenzana subliñou a relevancia estratéxica do proxecto para Poio, un municipio que actualmente carece de chan industrial dispoñible. Nese sentido, reivindica a importancia de facilitar espazos de crecemento para as pequenas e medianas empresas galegas.
"Moitas veces falamos de atraer novo investimento a Galicia, pero tamén é imprescindible que as nosas pemes e empresas familiares teñan a posibilidade de crecer na súa contorna", manifestou a conselleira.
