A Xunta pídelle ao Goberno 8 millóns para previr "danos causados polo lobo"
Incide en que a cantidade corresponde aos anos 2022 e 2023, e que aínda así mantén o seu apoio aos gandeiros.
Por Europa Press / Redacción | SANTIAGO DE COMPOSTELA | 15/10/2025 | Actualizada ás 18:45
A Xunta instou ao Goberno central a "desbloquear" 8 millóns de euros de fondos estatais para que Galicia poida "paliar e previr" o que cualificou de "danos causados polo lobo" en Galicia. Así mesmo, a administración autonómica esixe que se convoque de maneira "urxente" a 'Conferencia sectorial de medio ambiente', que segundo a Xunta foi posposta o pasado mes de xullo "de forma unilateral", polo Ministerio para a Transición Ecolóxica.
Nun comunicado, o Goberno galego informa de que así o trasladou a directora xeral de Patrimonio Natural, Marisol Díaz, durante a súa intervención ante a reunión da Comisión Estatal para o Patrimonio Natural e a Biodiversidade, en Murcia, onde participaron representantes do ministerio e de todas as comunidades autónomas.
No acto, o Goberno galego afirmou que a Administración central débelles os 8 millóns de euros por "danos correspondentes aos anos 2022 e 2023. Tamén sinalou que, "por problemas internos" do Estado español, non se produciu a distribución de fondos de 2023 e que, en 2022, a repartición foi "inxusto" con Galicia.
En calquera caso, a Consellería de Medio Ambiente e Cambio Climático destacou que asegura o seu "apoio ao sector gandeiro afectado os ataques do lobo". Así, incidiu en que este ano convocou tres ordes de axudas por un importe total de máis de 2 millóns de euros para a "adquisición e mantemento de cans protectores, pastores eléctricos e pastores eléctricos e cercados móbiles de malla electrificada.
