Idilio entre La Voz de Galicia e a UPG?

Francisco Rodríguez ou Pilar García Negro publican destacados artigos de opinión no xornal de Santiago Rey.

Por Galicia Confidencial | Compostela | 06/07/2016 | Actualizada ás 13:00

Comparte esta noticia

Francisco Rodríguez, un dos dirixentes históricos da UPG, é, agora, articulista de La Voz de Galicia, un xornal ao que durante anos demonizou e criticou duramente por ser “españolista” e soporte das políticas da dereita galega.  Pero non só el, tamén outra das históricas da UPG e do BNG, Pilar García Negro, tamén escribiu outro artigo de opinión no mesmo xornal. Os dous con tres días de diferencia.

Feijóo e o editor de La Voz Santiago Rey
Feijóo e o editor de La Voz Santiago Rey | Fonte: GC

Que pasa para que o xornal de Santiago Rey lle dea, agora, tanta relevancia ao BNG, xustamente agora que se atopa nun dos seus peores momentos históricos?. O certo é que este idilio comezou xa hai algún tempo, con varios artigos laudatorios de Xosé Carlos Caneiro no que destacaba a importancia do Bloque para a política galega e da súa nova líder, Ana Pontón.

“La Voz parece agora o Terra e Tempo –órgano de difusión da UPG--”, apuntaba a este medio un histórico dirixente nacionalista. E é que nos últimos tempos, a relación entre o Bloque e La Voz é moi estreita. Unha relación que, curiosamente, se cimentou mentres as mareas obtiñan éxitos electorais e o BNG colleitaba retrocesos.

“O certo é que esa política non lle axuda en absoluto ao Bloque. Tentar mimar ao BNG e atacar ás mareas para xerar división non lles funciona. Os votantes tradicionais do nacionalismo son anti-Voz, sempre o foron, e este vínculo non axuda a que sexan percibidos como unha alternativa”, asegura outro histórico do nacionalismo galego.

De feito, nos dous artigos publicados tanto por Pilar García Negro como por Francisco Rodríguez, incídese nesa posición; o inimigo xa non é a dereita, como sempre foi, senón as mareas, Podemos e Anova.

En “O nacionalismo galego existe... e persiste”, Pilar García Negro, suliña que “o debate sobre o nacionalismo galego e, en concreto, sobre o BNG, está cheo, no meu xuízo, de atentados contra a lóxica. Adiantando a conclusión, direi que se decreta que o nacionalismo galego xa non é alí onde existe -o BNG- e, asemade, afírmase que existe onde, desde o comezo, xa se renunciou a el, por alianza-subordinación a forzas políticas españolas de obediencia estatal. A curto prazo, familiarizar a povoación con esta fabricación intereseira cumpre unha dupla función: contribuír a desgastar o BNG e sobredimensionar o pretenso ingrediente «nacionalista» de Podemos-IU-Mareas para neutralizar o nacionalismo onde realmente existe -BNG- e, ao tempo, rebaixar as expectativas eleitorais da coaligación, que xa cumpriu a súa función: lañar o espazo do nacionalismo basco, do catalán e do galego, por suposto, con características e consecuencias moi diferentes.

Pola súa banda, Francisco Rodríguez, conclúe no seu artigo “Necesita Galiza o nacionalismo?, “o que non se pode esperar é que a nosa redención sexa incentivada polos que, como moito, consideran que somos un apéndice da política española, e que nunca debemos deixar de selo. Negar esta vía como real non significa indisposición a estabelecer acordos tácticos con forzas políticas estatais en función de obxectivos compartidos, xa para gobernar, xa para reivindicar, pero desde a capacidade de enuncialos e decidir desde a nosa perspectiva, a dun pobo que existe e a dunha realidade diferente? Existe un sector convencido, por motivos de fondo e por constatación do que acontece, de a Galiza, o pobo galego, teren a súa única esperanza real, xustamente na vía que, nestes momentos, se resiste a probar, a dela propia? O nacionalismo, como o país, está nunha situación crítica e delicada. Porén, coido que hai capacidade para enfrontala e vontade para superala. É unha necesidade do pobo galego”.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 32 comentarios

20 Mackenzie

El enemigo de La Voz no es Beiras, ni ahora el BNG raquítico. Beiras ya está amortizado. Y su nuevo partido no pinta nada. El enemigo de los intereses de la Fundación Santiago Rey se llama PODEMOS.

19 Franchi

A cuestión non é tanto que Rodríguez ou Gª Negro escriban na Coz (se cadra desexábano desde hai anos), senón que como apunta o autor deste artigo, o enemigo xa non é a dereita senón que son as Mareas ou calquera outra cousa que apareza e non sexa o Bloque. Xa me fede a palabra "nacionalismo" de tan sobada; mellor o enemigo da casa (La Voz) que o aliado de fora? Son tan pámpanos que caen seducidos pola gabanza efímera hacia quen a Voz considera xa algo en vías de extinción e inofensivo como é o BNG??

1 Antipederasta galego

Meus mareados enpodemitados, Quen vai desaparecer e a fume de carozo vai ser o Podemos e as súas coletillas nas colonias,

18 Dios

Queridos Galicia Confidencial, o que está facendo a Coz coas Mareas e o mesmo que fixeron co BNG nas derradeiras asembleas, dándolle cancha día si e día tambén aos "díscolos". "Derrotado" o BNG, agora faran o mesmo con vos... e o que hai. E una magoa pero lembro a Beiras díasi e día tambén a saco contra a UPG, e a Coz dándolle cancha non, o seguinte...

1 Benoit

Estou contigo... a cousa é clara... cando o da escisión Martiño e Beiras pasaban pola voz día si e día tamén; e agora que eles son fortes pasan Pilar e Paco. Está claro que primeiro o obxectivo foi debilitar ao bloque e agora ás Mareas. O triste é que todos se presten a esta estratexia tan vulgar e caian nesa destrución cainista

17 Gran Guay Hominho

Aínda non vin a Pilar García Negro ceando con Fraga ou tocando a catro mans con XL Barreiro.

1 Gamela

será porque está a dieta ou non ten idea de tocar o piano... ?

2 Antinostrus

Pois non fai mais que sair da TVCoz ou da RadioGalega coas súas disertacións rancias e decimonónicas- supoño que cobrando -como calqueira cipaia do tres ao cuarto....estes Dinosaurios do Nacionalismo Político Galaico, como xa é o caso de Bautista, e pésimos tactoestrategas políticos (a diferencia do dotadísimo Sr. Beiras, por certo) desde sempre, deberan ser confinados na correspondnte Residencia da Terceira Idade coa obriga consignataria de , únicamene, redactaren as súas Memorias...por se a alguén lle fose de proveito a súa peripecia vital....a súa omnipresencia é realmente TÓXICA para e perviviencia e desnvolvimento do Galicianismo Liberador....

16 John McNamara

Como cambia o conto, cando La Voz atacaba ao BNG para desgastala nadie dicía nada. Só desde o oficialismo se facían críticas, os críticos coa liña oficial dicían que iso non era o problema. Pois o dito, ese "idilio" NON É PROBLEMA. Algúns se aproveitaron durante anos en facerlle dano ao BNG usando este medio, pois quen con lume xoga....

1 Ana

Con lume, estimado paspán McNamara, xogades ambos, bloqueados e mareados: estades vendidos e non identificades ao verdadeiro inimigo. E tamén xogades coa paciencia dos galegos, que xa estamos fartos dos egos e das navalladas dos de sempre mentres o país desaparece. Disolvédevos os bloqueados e mareados, pedide desculpas aos galegos, e deixade que a xente constrúa sen tutelas dos negados de sempre o seu futuro.