Controlados os dous incendios que permanecían estabilizados en Baiona (Pontevedra)

A Consellería do Medio Rural informou de que os dous incendios que permanecían estabilizados na parroquia de Baredo, en Baiona, están controlados dende as 12,04 horas deste domingo.

A superficie afectada destes lumes, iniciados ás 1,03 horas da madrugada, é dunhas 10 hectáreas, segundo as primeiras estimacións provisionais. En tarefas de extinción participan cinco axentes forestais, nove motobombas, sete brigadas e un avión.

Ademais, continúa controlado dende as 8,28 horas un terceiro incendio rexistrado nesta mesma parroquia, que afectou a unhas 19,5 hectáreas. No seu control traballaron tres axentes forestais, cinco brigadas e seis motobombas.

A superficie total afectada por estes tres incendios sitúase nas 30 hectáreas.