Angrois.- Feijóo dedica unhas palabras ás vítimas nas Medallas de Galicia, o recordo das cales "permanecerá sempre"

O presidente da Xunta, Alberto Núñez Feijóo, dedicou unhas palabras ao final do seu discurso na celebración das Medallas de Ouro de Galicia ás vítimas do accidente de Angrois, do que este domingo se cumpren tres anos.

Así, o xefe do Executivo galego tivo un recordo no seu discurso pronunciado no acto de entrega da maior distinción que outorga a Comunidade galega, homenaxe que foi rexeitada en 2014 pola plataforma de vítimas do Alvia 01455 (si foron outras vítimas ao acto), asegurando que non se sentían "heroes" e que "tódalas mentiras" descubertas no proceso xudicial "non podían maquillarse dando ningunha medalla".

Tampouco acudiron aquel xullo de 2014 os veciños os veciños do compostelano barrio de Angrois, onde se produciu a traxedia, ao considerar que o día 24 non era para celebración, senón de "homenaxe ás vítimas" e "recollemento", e non de celebración, aínda que agradeceron o recoñecemento.

No acto da entrega de Medallas de Galicia 2016, Alberto Núñez Feijóo lamentou, no seu discurso, a perda de 80 vidas, galegos e outras persoas que acudían a Santiago, o recordo da cal "permanecerá para sempre".

"Hoxe recordamos que hai tres anos, unha noite como esta, perdemos máis de 80 persoas, moitas delas galegas, outras que querían vir a Galicia e, aínda que quedaron ás portas, se foron para sempre", manifestou Feijóo.

Tamén tiveron palabras de recordo os homenaxeados. Así, o artista Francisco Leiro Lois trouxo á memoria ás vítimas e feridos; como tamén o fixeron os integrantes de Los Suaves.